Discoplatt, vör fieftig Jahrn

Wat sük up Hoogdüts mall anhört, lett up Platt noch heel nüüt. Wenn wi as Kinner "Scheiße" sä'n, gaff dat mitunner wat achter de Ohren. Wenn wi "Schiet" sä'n, wat de sülvige Saak beteken dä, was dat keen Problem - de Ollen sä'n dat sülms faak genug. Dat "lange 'ei" und dat "scharpe 's'" mook de Verschill tüschen vulgär und dat, wat noch angaan kunn. (Siet de Rechtschrievreform is dat lange "ei" de Grund darför, dat man dat "scharpe s" noch immer as "ß" schrift, man up Platt spölt dat keen Rull.)

Platt is een sachtere Taal as Hochdüts - anners, as man dat vielicht glövt, wenn man sük een plattdütse Staaltje up't Spöldeel ankickt. Man een Spöldeel is neet de würrelke Welt. Van elke Taal verstaan Lü meest bloot sovöl, as sei ofkönen, man besünners denn, wenn dat Platt is.

"Ra-ra-Rasputin", tom Bispill, een sungen Vertellsel van "Boney M." um't Leven un Dood van Grigori Rasputin, man mit verhoogte Dreihtahl - 'n bietje overdreven (sensationalized), seggt tauminsten Wikipedia.

Ut "Russia's greatest love machine" wuur bi uns "Oma sitt up't Waschmaschin'". Wi sungen dat als Grundschölers. Up uns Mess was dat neet wussen - dat was de Muck van ollere Lü west -, man uns Omas harr'n wi dat trotzdem neet vörsungen. Up de Infall, dat de Spröök viellicht seggen wull, dat Omas ook in't hoogere Oller mitunner noch geern dörschüllert wuur'n, wassen viellicht neet mal uns Omas komen, man dat d'r de Respekt fehlen dä - dat verstunn elk.^*)

____________

Note

^*) Dat is wall intoseh'n, dat de Lüü, de de "love machine" in een "Waskmaschien'" oversettden, 'n good Sinn för de Engelse Taal of ook för de Musik harr'n. Man well de Urhebers wassen, weet ick nu noch neet.
(Ick kenn' noch een, man darover düür ick up "FC" wiss neet schrieven.)

____________